Oteiza Pilota Kirol Elkarteak 2023-2024 denboraldirako izen-ematea ireki du berriz. Sasoi berrian pilota elkartean aritu nahi dutenek, 667 50 39 18 telefono zenbakira whatsapp mezua idatzi beharko dute edota azkoitiotepilota@hotmail.com posta elektronikora mezu bat idatzi, datorren ostegunera, irailaren 7ra, bitartean.
2016. urtean edo lehenago jaiotakoentzat zabaldu du deialdia pilota elkarteak, hau da, 7 urte edo gehiago dituzten haurrentzat. Izena ematean, honako informazioa zehaztu beharko da nahitaez: ikaslearen izen-abizenak, ikaslearen jaiotza-data, guraso edo arduradun baten izen-abizenak eta telefono zenbakia eta ikastetxea.