Gipuzkoako Eskuz Binakako Errendimenduko Txapelketan infantilen lehen mailan txapeldunordeak izan dira Oteiza pilota elkarteko Julen Etxaniz eta Urtzi Segurola. Partida gogorra jokatu zuten Hernaniko Oses-Arsuaga bikotearen kontra, eta haiek izan ziren txapeldunak 18-14 irabazita.
Udaberri Saria pilota txapelketan ere ezin izan dute txapela eskuratu Oteizako pilotariek. Izan ere, Oier Beitia eta Igor Juaristi txapeldunordeak izan dira, Mutrikuko Danok Bat elkarteko Elezgarai-Lado bikotearen kontra 25-23 galduta.
