2025-2026 denboraldian txirrindularitza probatu nahi duenak irekita du Azkoitiko Peña Elorza txirrindulari taldean izena emateko aukera. Peña Elorzak txirrindularitzaren alor desberdinak jorratzen ditu, hala nola errepidea, mendi bizikleta edota triala. Izena elorzapena@gmail.com helbide elektronikora idatzita egin daiteke, eta horretarako epea irailaren 30ean itxiko du txirrindulari taldeak.
Denboraldi hasierari lotuta, Peña Elorzak bilera informatiboa egingo du urriaren 2an, ostegunez, Elkargunean (19:00). Bilera horretan denboraldiaren nondik norakoak azalduko dituzte klubeko ordezkariek.