Larunbatean, 16:00etan hasita, haurren mailako txirrindulari lasterketak jokatuko dituzte Azkoitian. Iaz bezala, txirrindulari gazteak Trenbidearen Zumardian eta Juin kaleetan zehar lehiatuko dira. Zirkuitua kilometro ingurukoa da, eta benjaminek, alebinek eta infantilek bi, sei eta hamabi itzuli eman beharko dituzte han, hurrenez hurren.
Parte hartzeari dagokionez, Gipuzkoa mendebaldeko talde guztiek parte hartuko dute herriko lasterketan; maila bakoitzean 30-40 txirrindulari inguru espero dira, eta Peña Elorza taldeak 20 txirrindularirekin parte hartuko du proban.