Lourdesera erromesaldia egiteko bi irteera prestatu dituzte bailaran

Erabiltzailearen aurpegia Parrokiako taldea 2026ko maiatzaren 4a

Lourdesko Santutegia. (Wikipedia)

Maiatzaren azken asteburuan izango da Elizbarrutiko Erromesaldia, eta parte hartu nahi dutenek bi eguneko edo egun bakarreko joan-etorria egin ahal izango dute Lourdesera. 

Urtero moduan, Elizbarrutiko Erromesaldia antolatzen ari dira Lourdesera (Frantzia), eta maiatzaren azken asteburuan hara joan nahi dutenek bi aukera izango dute bailaran.

Bi eguneko egonaldia da aukeretako bat: Loiola Bidaiak antolatuta, maiatzaren 30a eta 31 han igaroko dituzte, 149 euro ordainduta. Beste aukera, berriz, egun bakarrekoa da: bailarako Parrokia taldeak eta Loiolako Santutegiko migratzaileen sailak antolatuta, maiatzaren 31n, igandez, Azkoititik abiatuko dira 07:15ean, eta Lourdesetik, berriz, 18:00etan itzuliko dira. Joan-etorriaren prezioa 30 eurokoa da, eta interesa dutenek maiatzaren 25era bitartean eman dezakete izena parrokian.  

Gizartea Azkoitia

Azkoitia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide