_tokikom_300x300.jpg){kind=small}
Azkoitiko Parrokiak hainbat hitzordu berezi ospatuko ditu egunotan. Bihar, astelehena, etzi, asteartea, eta hilak 8, igandea, bedeinkapenak egingo dituzte Andre Mariaren Jasokundeko parroki elizan.
Batetik, bihar, jaunaren aurkezpena edo Kandelario eguna ospatuko du. Hori hala, eta ohiturari jarraituz, kandelak bedeinkatzeko aukera izango dute herritarrek 09:30eko mezan. Bestetik, etzi, San Blas eguna ospatuko du, eta egun horretan herritarrek janariak bedeinkatzeko aukera izango dute; etzi ere 09:30eko elizkizunean egingo dituzte bedeinkapenak.
Datorren igandean, azkenik, 2025ean jaiotako umeen aurkezpenen eta bedeinkapenen txanda izango da. Era berean, indarrean den ikasturtean katekesian hasi diren haurrak aurkeztu eta bedeinkatuko dituzte. Ekitaldi horretan gainera, Parrokiako Abesbatzak Irten ezazu abestia kantatuko du Ama Birjina prozesioan ateratzean.