Gasento Oñederra Urkia elkartekidea hil berri zaigu, Maxixatzen Euskaldunon Elkarteko kide ekina, bihotz eta esku zabalekoa.
Joan diren azken hogei urte baino gehiagoan, hainbat eratako lanak egin zituen Gasentok gure elkartean. Bereziki azpimarratzekoa dugu, Maxixatzen hedabidea berriz abiarazteko garaian, urte askoan talderako eskaini zuen jakintza eta ahalegin guztia; besteak beste, ikus-entzunezkoak sortzen, grabatzen, editatzen eta argitaratzen egindako ezin konta ahala ordu.
Bihotzez estimatzen dizkiogu elkartean, herrian eta nonahi euskararen alde erakutsitako jarrera eta ekinbidea. Hark egindako lanaren zati txiki bat gure kanaletan eta sarean duzue ikusgai, gure herriko ekitaldi ugaritako irudiak hark landu baitzituen.
Eskerrik asko, Gasento.