Maxixatzen Euskaldunon elkarteak bazkidetza kanpaina jarri du martxan. Oraingo kanpaina hau maiatzaren bukaerara arte egongo da zabalik. Hala ere, urteko edozein momentutan egin zaitezke bazkide. Kanpaina honen berrikuntza nagusia da 25 urtetik beherako gazteei urteko ohiko kuota kobratu beharrean, 15 eurokoa, 5 euro kobratuko zaiela.
Urteko ekarpen horrekin herriko euskalgintzari zeure aletxoa jartzeko aukera duzu. Horrekin batera, Maxixatzen Euskaldunon Elkartetik antolatzen diren ekintzak aurrera eramaten laguntzen duzu, eta, gainera, abantaila batzuk ere badituzu, adibidez, bazkideen artean egiten diren zozketetan parte hartzekoa.
Hemen duzue bazkide egiteko bete beharreko galdetegia. Animatu eta egin zure ekarpena Azkoitiko euskalgintzari!