Gaur, asteartea, amaituko da 59. Durangoko Azokara joateko eta handik itzultzeko Azkoitiko Euskara Mahaiak antolatu duen autobuserako izena emateko epea. Izena maxixatzen@maxixatzen.eus helbide elektronikora edo 675 85 71 11 telefono zenbakira mezua idatzita eman beharko da, eta sei euro ordaindu beharko da.
Ostegunetik igandera bitartean egingo dute euskal liburu eta disko azoka Durangon (Bizkaia), eta Euskara Mahaiak, udalaren laguntzarekin, larunbaterako antolatu du autobusa: 10:00etan abiatuko da autobusa Julio Urkixo kaleko geralekutik, eta hara joaten direnek 20:00etan izango dute itzultzeko ordua.