Beti zuk nahi duzuna
egin duzu,
nik esandakoari
kasu zipitzik
egin gabe.
Ezabatu,
arbuiatu,
gutxietsi
egin nauzu etengabe.
Lanak egiteko
eta larrua jotzeko
bakarrik erabili nauzu.
Bai,
erabilia sentitu naiz.
Guztiz maneiatua.
Trapu zaharrez estalitako
panpin zarpail baten gisa
tratatu nauzu,
zure menpeko
jostailu zahar baten gisa
tratatu nauzu.
Baina konturatu naiz,
azkenean
konturatu naiz.