Zuri ere berdina gertatzen zaizula
esaten didazunean,
gustura sentitzen naiz,
atsegin dut
zuk niri begiratzea.
Nire begi hauekin
gauza eder ugari ikusteko
aukera izaten dut egunero,
baina ez izan zalantzarik
gauza eder guztien artean
zu zarela erakargarriena;
nire begien distira zara,
nire bihotzaren kemena zara,
nire gorputzaren nahia zara.
Luzaroan elkarri begira jarraitu dezagun!