Mesedez,
zabaldu kisketa.
Urteak igaro dira
zure bihotzeko kisketa
itxi zenuenetik.
Mila arrazoi desberdinengatik
erlazio batek porrot egiteak,
ez du esan nahi
beste erlazio guztiek ere
porrot egin behar dutenik,
zuk horrela pentsatu arren.
Pentsamendu hau
barne-barneraino
barneratuta duzun arren,
saiatu egin nahi dut.
Ez dela erraza izango jakin arren,
ez dut etsi nahi.
Nire helburua
zu hobeto ezagutzea da,
besterik gabe.
Gustuko zaitut,
besterik gabe.
Eskuaz eragindakoan
zure sarraila txikiko xafla itxia
ireki nahi dut.
Merezi duzu.
Merezi dut.
Beste aukera bat
merezi dugu.
Utziko?
Maite Arrate