Askok bizirautea lortu dugu,
politikoen gogoz kontra bada ere.
Tristea bezain sinesgarria.
Zikina bezain gaitzesgarria.
Gauza bat esan
eta beste bat egiten duten
politikoen aurka,
gauza gutxi egin dezakegun arren,
ez gaituzte menperatu.
Laguntza guztiak kendu dizkiguten arren,
ez gaituzte ondoratu.
Ondora joan gabe,
ondora etorri zaizkigun guztien
laguntza preziatuari esker,
bizirautea lortu dugu.
Hauxe da,
hain zuzen,
zuek guztiok jakitea nahi dudana:
Bizirautea lortu dugu bai,
baina ez politikoei esker,
zuen moduko pertsona xumeei esker baino.
Denen aurrean salbatzaile bezala
agertzen diren hauek,
ez dira gutaz arduratzen,
nahikoa dute
beraien burua saritzeaz,
beraien poltsikoa betetzeaz.
Gure gogoz kontra bada ere,
hor jarraituko dute.
Beraien gogoz kontra bada ere,
hemen jarraituko dugu,
bizirik gauden bitartean
bizirautea helburu.
Maite Arrate