Gaia: Aurten zer?
Doinua: Aita izena
Oporrei buruz hizketan hasi
eta hainbeste galdera
gehientsuenok izaten dugu
bidaiatzeko joera
pentsatzen jarriz behingoagatik
aukera ona ez ote da?
Euskal Herrian txoko politak
aurkitzen dira sobera
oraintxe dugu gozatu eta
ezagutzeko aukera.
Atzerritarrak Euskal Herrira
datozenez gogotikan
hemengo leku ta jatekoaz
asko daude inbiditan
zerbait hobean bila joaten
gara kanpora sarritan
datorren hori hartu dezagun
behintzat esku zabalikan
distantzi motzak eztu esan nahi
hobegua eztanikan.