Gaia: Inauteriak
Doinua: Zer da gaur Donostian
Zer ezkuta liteke
pelukan, karetan?
Zer azaleratzen da
horrelakoetan?
Ederra da sartzea
inauterietan
besteren azalean,
besteren oinetan,
geuk ba al dakigu ba
nor garen benetan?
Kolorez apaintzen da
neguko bakea
ta kantuz udaberri
oraindik gaztea
helburu bilakatzen
baita kontrastea,
itxuraz, nortasunez
jantzi zein nahastea,
eraiki dugun horren
bueltan jolastea.