Gurasoei eta interesa duen orori zuzendutako hitzaldi berri bat izango da etzi, asteazkena, Elkarguneko Oteiza aretoan: 'Buru osasuna eta nerabeak'. 18:00etan hasiko da Izaskun Lopez de Torre psikologoaren hitzaldia.
Saioa Azkoitiko Udalak antolatu antolatu du eta Treba Gurasoak programaren barruan kokatzen da. Treba Gurasoak Gipuzkoako Foru Aldundiko Gazteria Zuzendaritzaren prestakuntza-ekimena da, eta gurasoak hezkuntza-gaitasunetan trebatuz, haurren eta nerabeen bizi-kalitatea nahiz aukerak hobetzea du helburu.
Hitzaldia trebatzailearen azalpen teoriko-praktikoarekin hasiko da, baina une oro bertaratuon parte hartzea bilatuko du hark, bi norabideko komunikazioa sustatuz.
Hitzaldiaren helburuak dira, besteak beste, seme-alaben hezkuntzan gurasoek duten paperaren garrantzia agerian jartzea, deserosotasuna, antsietatea nahiz jazarpen egoerak detektatzeko eta identifikatzeko ezagutzak zen oinarrizko informazioa ematea, eta azkenik, balizko jazarpen-egoeren aurrean egoki eta indarkeriarik gabe erantzuten lagunduko duten trebetasunak eta estrategiak azaltzea.
Landuko diren edukietako batzuk izango dira honako hauek:
- Gure seme-alaben buru osasuna; nola sentitzen dira?
- Zer da buru osasuna?
- Zerk kezkatzen gaitu buru osasunetik?
- Adimen emozionalaren garrantzia.
- Ezegonkortasun emozionala.
- Zer dira gatazkak?
- Detekzio goiztiarra eta babesgabetasuna.
- Nola lagun diezaiekegu? Familientzako aholku batzuk.
Jaso Burue! taldeak herriko gurasoak eta bestelako interesdun guztiak gonbidatu nahi ditu hitzaldi horretara, guztiontzat interesgarria izango delakoan.
