Lagunartean sartu orduko kutsatu gaitu giroak.
Jendea irribarrez ikusteak poza erantsi digu, kezkak erantzi.
Soinua dago erdi-erdian, inork behartu gabeko nagusi.
Inork agindu gabe dabil jendea dantzan, kantuan, algaraka.
Alai batu gara geu ere doinuak gonbidatuta, berezko jarioan.
Ez dago pentsatu beharrik, ez dago hitz egin beharrik.
Unea gozatu, bizi, horixe bakarrik.