Erabakitzeko eskubidearen aldeko beste ekitaldi handi bat egingo du Gure Esku Dagok, datorren ekainaren 10ean, Bilbon. Galdera ikur erraldoi bat irudikatuko dute milaka lagunek hiriaren erdigunean. Euskadi plazatik Plaza Eliptikorainoko mosaiko bat egingo dute, eta Herritarron Ituna aurkeztuko dute ondoren
Ekintza horretan parte hartzera gonbidatu nahi ditu Gure Esku Dagok herritarrak. Horretarako, aurrez, ‘konpromiso txartela’ eros dezakezue ondorengo tabernatan, bi euroren truke: Zurt, Latz, Etxe-Aitz, Zakela, Ttakun, Koxaka eta Dean. Autobusean joan ahal izateko, izen-emateko aukera ere izango da.
Erabakitzeko eskubidea hainbat herritan gauzatzen ari da Gure Esku Dago, eta, ekainetik aurrera, erabakitzeko eskubidearen aldeko Herritarron Ituna oinarri, Euskal Herriko eragileen itunari bide emateko lanketa hasiko dute, Euskal Herri mailako itun bat osatzeko.