Gaur eta bihar artean banatuko dituzte Azkoitian Errigoraren udazkeneko kanpainako saskiak. Gaur, osteguna, arratsaldean egingo dituzte banaketak, eta bihar, ostirala, goizez; gaur, 17:00etatik 19:00etara egongo dira saskiak banatzen, eta bihar, ostirala, 12:00etatik 14:00etara.
Berdura Plazan jaso beharko dira saskiak, baina ez orain arteko gunean, Mari frutategia bezala ezagutu izan den lokalean baizik. Ordainketa eskuz egin behar dutenei dirua justu eramateko eskatu diete Errigorako kideek.