Gaia: Hara gure herriko...
Doinua: Antton eta Maria
Egilea: Eneritz Artetxe.
"Hara gure herriko
mutil eta neska,
nahiz jakin gustukoa
duzuela festa
horrela ibiltzeko
momentua ezta".
Alkateak egin du
bideoz protesta
orain bi aita dauzkat
bat nahikoa ez ta.
Urtea daramagu
besteei begira,
ta aukera dugunean
belarritik tira!
ez da erraz moldatzen
neurrien neurrira
ardurak eskatzea
ondo dago, tira,
norbere esku daudenak
betetzen badira.