Bizkargi musika eta dantza eskolak bi entzunaldi eskainiko ditu bihar, asteartea. Eskolako entsegu gelan, perkusio gelako ikasleek eskainiko dute emanaldia, 18:30ean hasita. Zortzi ikaslek hainbat abesti eskainiko dituzte bakarka zein binaka.
Bestalde, Musika Hezkuntza Goiztiarreko saioetan parte hartu duten 1 eta 2 urteko haurrek zein horien familiek barne kontzertua egingo dute Elkarguneko Herriko Plaza aretoan (18:30). Musika saioa Itxasne Fernandezek eta Edurne Garciak gidatuko dute, eta ahotsarekin, akordeoiarekin eta klarinetearekin melodiak interpretatuko dituzte biek. Helburuetako bat da haurrak musikara hurbiltzen laguntzea, proposamen ludikoen bidez, esperientzia musikal irisgarriaz, dibertigarriaz eta hezigarriaz gozatzeko aukera emanez.