Bizilore eskola aktiboak bere hamargarren urteurrena ospatu zuen pasa den astean. Astean zehar, erakusketa, ipuin-kontaketa eta hitzaldia antolatu zituzten, eta igande goizean, berriz, jolas parkea, bisita gidatua eta trikipoteoa egin zituzten. Ondoren, elkarrekin bazkaldu zuten Berdura Plazan 150 lagunek baino gehiagok.
Bazkaldu ostean, ekitaldi txiki bat egin zuten. Lehenik, eskolaren ibilbidea erakusten duen ikus-entzunezko bat ikusi zuten elkarrekin eta, gero, bidelagunak nahiz eskolan pisu berezia izan duten hainbat pertsona eskertu zituzten. Amaitzeko, dantzaldi animatu bat egin zuten Aritz Etxanizen eskutik lehenik, eta DJ Zuhaitzen eskutik gero.