ETB1en Gure amaren etxea saioko azken ataleko protagonistak izan dira Juan Bautista Mendizabal —udaleko Ondare zinegotzia— eta Arantxa Aldalur senar-emazteak. Azkoitiko Alde Zaharrean dagoen XVII. mendeko Anziondo etxearen ateak ireki ditu bikoteak telebista programarako, haren historia kontatzeko.
Korrejidorearen egoitza eta ostatua izan zen eraikin historiko hori iraganean, eta XX. mendearen amaieratik, Mendizabal familiaren etxea da. Lotura honetan ikus daiteke saioa, osorik.