Autismoaren Nazioarteko Eguna da gaur, apirilak 2, eta Luken Orbegozo, Nekane Zalbide eta Alba Orbegozo Euskadi Irratiko Faktoria magazinean izan dira. Autismoa du Lukenek, eta haren ama eta arreba dira, hurrenez hurren, Zalbide eta Alba. Aniztasun funtzionala duten pertsonez gizarteak kontzientzia har dezan lan egiten duen Marea Urdina elkarteko kide ere bada familia.
Maider Segurola kazetariaren galderei erantzunez, autismoaren, Lukenen garapenaren zein azken urteetako aldarrikapenen inguruan luze eta zabal hitz egiteko tartea izan dute hiru senideek goizean, eta azaldu dute "egun berezia" dela gaurkoa, autismoa dutenei "omenaldia egitekoa". Beheko bideoan ikus daiteke elkarrizketaren zati bat, eta solasaldi osoa, berriz, hemen entzun daiteke, 29. minututik aurrera.
View this post on Instagram