Ramon Zubizarreta Landakanda pandero jotzailea zena omendu zuten joan den ostiraleko ETB1eko Biba zuek! telebista saioan. Xabier Sukia eta Maddalen Arzallus aurkezleek gidatutako saioan parte hartu zuten Iosu Arrizabalaga Izer, Jose Luis Garmendia Laja II.a eta Eugenio Gisasola Lutxurdio trikitilariek, eta hirukoteak Landakandaren inguruan hitz egin zuen.
Izerrek, Laja II.ak eta Lutxurdiok azaldu zuten Landakanda beraientzat zer izan den. Era berean, trikitixarentzat Laja eta Landakanda zeinen garrantzitsuak diren azpimarratu zuten. Bestelako anekdota batzuk ere azaldu zituen hirukoteak. Aurkezleek hiru trikitilariei egindako elkarrizketa tartea amaitzeko, gainera, Landakanda izeneko abestia eskaini zuten platoan.
Honako lotura honetan ikus daiteke bideoa osorik.