Azkoitiko Gazte Asanbladak (AGA) 2026-2027 ikasturtea hasteko ekintzak antolatu ditu biharko, ostirala. Arratsaldeko 18:00etan hasita, ping-pong nahiz futbolin txapelketak eta karaokea egingo dituzte Azkoitiko Gaztetxean.
Ekintza horiez gain, Azkoitia BHIko batxilergoko bigarren mailako ikasleen eskutik mokadua egiteko aukera izango da gaztetxean, eta karaokearen ondoren Pitxilorak eskainiko dituzte edateko.