Gaur urtebete da Bilboko Etxarri II gaztetxea desalojatu zutela. Urtemuga kontuan hartuta, Azkoitiko Gaztetxean Gazte Asanbladak elkarretaratzea egin du Gaztetxeen alde, justizia Aranarentzat eta zaurituentzat lelo hartuta. "Euskal Herriko hainbat gaztetxek eta gazte asanbladak elkartasuna adierazi diegu Bilboko Etxarri II gaztetxearen defentsan kalera atera ziren guztiei, bereziki Iker Aranari eta egunean bertan atxilotu eta poliziaren furgoian jipoitutako gazteari".
"Urtebete igaro da eta hainbat froga atera izanagatik ere, inpunitate polizialak bere horretan darrai. Gaztetxearen desalojoaren harira izandako gertakariak direla kontuan izanik, garrantzitsua iruditzen zaigu, orokorrean gaztetxeen egoeraren berri ematea eta horien defentsa aldarrikatzea; protesta eskubidearen beharra azpimarratzea eta inpunitate poliziala salatzea".