Apirilaren 23an ospatzen den Liburuaren nazioarteko eguna aitzakitzat hartuta, Azkoitia BHIko DBH3. mailako ikasleak Xabier Munibeko LH4ko ikasleei ipuinak kontatzera joan dira gaur. Bi ipuin kontatu dizkiete: Tonino eta Hartzatxoa, jirafa zaharra eta harrizko pareta.
Irakurketak herriko hainbat txokotan egin dituzte, Balda plazan, Intxausti parkean eta Eliz atarian.
Eguraldia lagun, gazteak eta gaztetxoak gustura aritu dira ipuin kontaketetan. Irakurzaletasuna sustatzeaz gain, irakurketa herriko txokoetara zabaltzea izan da ekimen honen helburua, antolatzaileek zehaztu dutenez.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!