Azkoitri taldeko hainbat ordezkarik Usansoloko (Bizkaia) esprint distantziako binakako duatloian parte hartu zuten herenegun, igandea. Euskadiko txapelketa ere jokatu zuten han.
Alde batetik, sexu bereko binakako lehian, Ander Larrañaga eta Iker Etxeberria aritu ziren, eta bikotea hamabosgarren sailkatu zen proban 01.10.16 denbora eginda, eta hamahirugarren postua lortu zuten Euskadiko txapelketan.
Bestalde, Jose Antonio Circujano eta Maider Oteiza modalitate mistoan lehiatu ziren, eta haiek hamalaugarren postua lortu zuten, 01.19.16 denbora egin eta gero. Euskadiko txapelketari dagokionez, hamabigarren sailkatu zen Circujanok eta Oteizak osatutako bikotea.