Azkoitri triatloi taldeko kideek hainbat probatan parte hartu dute azken bi asteburuetan. Joan zen uztailaren 1ean eta 2an, esaterako, Frankfurtek (Alemania) eta Sallent de Gallegoko (Espainia) triatloietan parte hartu dute taldeko kideek, eta lehengo asteburuan, berriz, Legution aritu zen Jose Antonio Circujano.
Joseba Exposito eta Julen Azkue Alemaniako ironman distantziako triatloian izan ziren, eta Andoni Parra, berriz, Aragoiko distantzia sprinteko triatloian. Aurreko larunbatean, berriz, hainbat taldekidek parte hartu zuten Legutioko distantzia olinpikoko triatloian. Aipatzekoa da Jose Antonio Circujano txapeldun izan zela beteranoen bigarren mailan, eta taldeka zortzigarren sailkatu zela Azkoitri.
Honako lotura honetan ikus daitezke sailkapenak. Aldiz, proben gaineko informazioa eta argazkiak Azkoitriren sare sozialetan nahiz webgunean kontsulta daitezke.