Herenegun, igandea, egin zuten XXIV. Zazpi Kurutze mendi ibilaldia. 300 lagun inguruk parte hartu zuten proban, eta ohi bezala, aurten ere Azkoitiko eta inguruko zazpi gurutze lotu behar izan zituzten parte hartzaileek.
Anaitasuna Mendi Bazkunak jakinarazi du, igandean mendizaleei galdutako edo ahaztutako makilak jaso zituela. Mendiko bastoiak jaso nahi dituztenek, Anaitasunaren posta elektronikora idatzi beharko dute datozen egunetan. Era berean, garaje bateko mando edo giltza bat ere jaso zuten. Honako hau da herriko mendi taldearen posta elektronikoa: anaitasunamb@gmail.com.
