Anaitasuna futbol taldeak bihar, asteazkena, zabalduko du klubaren arreta gune berria. Plazaberrin irekiko du talde gorritxoak lokala, bazkideei nahiz taldeko kideei arreta zerbitzua eskaintzea xede izango duena. Bihar, 17:30ean zabalduko dituzte hango ateak, eta 20:30era bitartean egongo da irekita. Hain justu, hil honen 9an, 10ean, 15ean, 17an, 21ean, 22an, 28an eta 29an zabalduko dute lokala, 17:30etik 20:30era bitartean.
Lokal horren bidez, Anaitasunak bere kideei arreta zerbitzua eskainiko die. Arreta gunean eman beharko dute futbol eskolan aritzeko izena, esaterako, 2016. urtean jaiotako neska-mutilek. Era berean, klubeko bazkideek Plazaberriko lokalean jaso beharko dituzte 2025-2026 denboraldiko bazkide txartelak. Horrez gain, ordea, Anaitasunaren arropa berria ikusteko, probatzeko eta horien gaineko informazioa jasotzeko aukera ere eskainiko du klubak.