Anaitasuna futbol taldeak ireki du futbol eskolarako izen-emate epea; uztailaren 17ra bitartean egongo da izena emateko aukera. Eskolaren nondik norakoak azaltzeko, irailean bilera egingo du klubak. Horrez gain, Ibai Ondo kalean dagoen Plaza Berri Sport dendara joan beharko da arropak eskatzera.
2014 eta 2015 urteetan jaiotako mutilen zein 2013, 2014 eta 2015 urteetan jaiotako nesken izen-emate prozesua posta elektroniko bidez egin beharko da. Horretarako, anaitasuna@cdanaitasuna.com posta elektronikora mezu bat idatzi beharko da, bertan honako datuak adieraziz: haurraren izen-abizenak, jaiotze-data, guraso edo tutorearen izena eta haren telefono zenbakia, ikastetxea, atezain edo jokalari gisa eman nahi duen izena, eta eskolaz kanpoko beste ekintzaren batean izena emango al duen ere zehaztu egin beharko da.
Bestelako edozein zalantza duenak, goian aipatutako posta elektronikora idazteko aukera izango du.