Azkoitiko AEKn lanean jarraitzen dugu, herritarrek euskara eroso ikasteko eta guztiok euskaraz eroso bizi ahal izateko. Horretarako, maila guztiak eskainiko ditugu aurten ere, beti bezala, ikasleen beharretara egokituta.
Eskaintza berriak ere baditugu aurten: Xabier Munibe ikastolan eta Floreaga salestar ikastetxean gurasoentzako hasiera mailako ikastaroak eskainiko ditugu, ikastetxeetan bertan eta haurren eskola orduetan. Gainera, Eusko Jaurlaritzak doakotasunaren bidean urrats bat eman du eta, ondorioz, zerotik ikasi nahi duten ikasleen matrikula merkeagoa izango da.
Horrez gain, Azkoitiko Udalak ere erraztasunak ematen jarraituko du, eta euskara ikastea doakoa izango da azkoitiarrentzat. Informazio gehiagorako edo zalantzak argitzeko, Azkoitiko AEK-k Kultur Etxeko 3. solairuan gaude, 607 61 26 97 telefono zenbakira deitu edo azkoitia@aek.eus helbide elektronikora mezua idatz daiteke.