Anaitasuna-Kakute xake taldekoak dira Pascual familiako bi seme-alabak, eta udako oporraldian, Burgosko xake zirkuituko hainbat jardunalditan parte hartzen ari dira, giro onean eta lan bikaina eginez. Oraingoan, Beloradon izan dira. Infantiletan, Lukenek bederatzigarren postuan bukatu du lehia, sei partidatan 4,5 puntu pilatuta. Berak, berriz, 35. postuan bukatu du, hiru punturekin. Giro jatorraz gozatzeaz gainera, beren adineko beste haur batzuk ezagutzeko aukera izan dute Pascual anai-arrebek.
Sanandresetako txapelketari begira
Azkoitiko klubeko zuzendaritzak dagoeneko zabaldu du San Andres Xake Txapelketaren 31. edizioan parte hartzeko izen ematea. Txapelketa azaroaren 28an jokatuko da Elkargunean. 189 jokalarirentzat tokia egongo da, eta dagoeneko 30 bat lagunek eman dute izena.