Carlos Sanchez eta Izaro Arriola xakelariak izan dira Anaitasuna-Kakute Blitz Torneoaren 29. edizioko irabazleak. Gaur, igandez, jokatu dituzte txapelketako partidak Kultur etxean.
Jardunaldiko zazpi partidetan 6,5 puntu bildu ditu Carlos Sanchezek. Bestalde, txapelketa bikaina jokatu ostean, Imanol Larrañagak egin du bigarren. Soilik Carlos Sanchezen aurkako partida galdu du, eta berdinketa egin. Hirugarren, berriz, Jose Andres Medina Sevillako (Espainia) jokalariak egin du.
16 urte azpikoen kategorian Ane Arriolak irabazi du.
Giro bikaina izan da jardunaldian zehar, eta partidak internet bidez emititzeak osotasuna eman dio txapelketari.
Honen ostean, xake klubak atseden hartuko du irailera arte, baina zuzendaritzak lanean jarraitzen du bestelako txapelketak prestatzen, besteak beste, San Andres lehiaketa.
