Anaitasuna Kakute xake taldeko kideek Gaztedi Kutxa Fundazioa txapelketako bigarren jardunaldia jokatu zuten joan den zapatuan, online bidez. Taldekide guztiek parte hartu zuten partidan, eta emaitza ona lortuta sailkapeneko bigarren postuan kokatu dira orain.
Azkoitiko taldea bigarrena da Gros Xake 'A' taldearen ondoren. Sailkapen konbinatuan, berriz, seigarren postutik hirugarren postura jauzi egin du Anaitasuna Kakutek. Finalera sartzea sailkapeneko lehen lau sailkatuek lortuko dute, eta egungo osasun egoerak uzten badu, aurrez aurre jokatuko dute.
Horrez gain, Anaitasuna Kakute xake taldeko zuzendaritza Gabonetako jaialdia eta Katturen omenezko txapelketa prestatzen ari da buru belarri; horiek ere online jokatuko dituzte.