Oletan ere Ez! taldeko kideek zorionik beroenak helarazi nahi dizkie Sañu Bizirikeko, Errezil Bizirikeko eta Txilarramendi auzo elkarteko kideei hiru urtez tinko mantendu duten borrokak emaitza ezin hobea izan duelako.
Eusko Jaurlaritzak Piaspe proiektuari ingurumen baimena ukatu eta ebazpen sendoa eman du, elkarte horiek hasieratik defendatu dituzten irizpideak aintzat hartuta. Bejondeizuela! Eskerrik asko, erakutsitako kemenagatik eta bidea zein den duintasunez adierazteagatik.
Tamalez, inguruan badira makroproiektuen mehatxupean dauden mendiak eta herritarrak. Horietako bat, hemen bertan daukagu, Oletan eta Izazpin. Energia Berriztagarrien Lurralde Plan Sektoriala (EBLPS) onartzekoak dira, eta gure mendiek jomugan jarraitzen dute.
Borroka ez da amaitu. Lurra defendatzen jarrai dezagun!