Gipuzkoako mendiak aske taldeak antolatuta, Energia(k) ezbaian bertso saioa egingo dute urriaren 22an, igandez, Zizurkilgo San Milan elizan. 12:00etan hasita, Aitor Bizkarra, Andoni Egaña, Maialen Lujanbio eta Oihana Iguaran arituko dira bertsotan, Saroi Jauregi gai jartzailearen gidaritzapean. 14:00etan, berriz, herri bazkaria egingo dute.
Bertso saiora zein bazkarira joateko txartelak eros daitezke Azkoitian ere; Etxe-Aitz eta Atraskua tabernetan, hain zuzen ere. Bazkarirako izena emateko epea urriaren 16an amaituko da.