Bihar, osteguna, 101 Arrazoi egitasmoaren barruko hitzaldia izango da Azpeitiko Soreasu antzokian, 19:00etan. Oier Etxeberria, Goienerreko energia komunitateen sustatzailea, eta Aitziber Sarobe, Biologian doktorea eta Mondragon Unibertsitateko irakaslea, izango dira hizlariak.
Hainbat mendi elkarte eta zentral eolikoen aurkako talde daude antolatzaileen artean, besteak beste, Agiro mendi taldea, Anaitasuna Mendi Bazkuna, Sokaitz eskalatzaile taldea, Lagun Onak Mendi Bazkuna eta Oletan ere Ez! nahiz Sañu Bizirik! plataformak.
