"Arte Garaikideak herrian duen adierazpenik nabarmenena Oteiza frontoiak dira. Arkitektura multzoa 2006ko azaroaren 30ean inauguratu zen, ponpa handiz, San Andres egunean, eta bertan izan ziren Azkoitiko orduko alkate Asier Aranbarri, Gipuzkoako ahaldun nagusi Joxe Joan Gonzalez de Txabarri eta Gipuzkoako aurrezki erakundeko presidente Karlos Etxepare. Obraren aurrekontua 3.402.000 eurokoa izan zen, %80 Kutxak finantzatu zuen eta gainerako %20a Azkoitiko Udalak.
Inauguratu zienetik hogei urte igaro dira, eta gaur egun frontoiek duten itxura penagarria da. Hormetan pintura behar da, zoruak benetan zikinak daude eta batez ere Gipuzkoari eskainitako frontoiko hormak herriko artista frustratuek mihise gisa erabili dituzte euren grafitiak margotzeko orduan".