"Goizean kalera atera naiz, eta bidean zehar hiru lekutan ikusi ditut bolumen handiko hondakinak zabor edukiontzien alboan botata. Irudian ikusten diren hondakinak Bizkargi Kalean, Santa Klarako errebalean eta Iriarte Margolaria kalean ateratakoak dira. Egun ez dira hondakin mota horiek horrela utzi behar, orain Garbigunera eraman behar dira edo Emausi deitu behar zaio jasotzera etor daitezen. Badirudi herritarrek oraindik ez dakitela funtzionamendua zein den, eta udalari kontzientziazio kanpaina bat egiteko eskatu nahi nioke".
