Anbulatorio aurreko ibai ondoko aparkalekuetatik Burdinoleta pareko parkingera ez dago bide zuzenik. 10 bat metroko tarte bat dago, barandarekin. Pare horretan, zehazki, zebra bidea dago, eta oso arriskutsu dago. Nik behin baino gehiagotan ezustekoa hartu dut, bai oinez, bai kotxez, eta beti motel joanda, gainera. Baina, noski, besteek zer egingo duten ez dakizu, eta ez dago zure esku.
Beraz, ondo egongo litzateke gune horretan espaloia jartzea; alde batetik, segurtasunagatik eta, bestetik, ibai alboko bidean aparkatzen dutenek atzerago dagoen zebra bideraino joan behar izaten dutelako errepidea oinez ez gurutzatzeko. Bestela, beste aukera bat litzateke erdiko isletan ispilu bat jartzea, oinezkoek eta gidariek norbait ba al datorren ikus dezaten.
