Biele ISBk Nazir Williams joko antolatzaile estatubatuarra fitxatu du denboraldiaren amaierara arte. 23 urte ditu Williamsek eta 1,91 metro neurtzen du. Cornell Big Red saskibaloi taldean aritu da Williams azken lau denboraldietan, eta hango esperientziaren ondoren, aurreneko urtea egingo du Bigarren FEB Mailan.
Azken denboraldian, esaterako, 14,9 puntu, 4,4 errebote eta 3,6 asistentziako bataz-bestekoa lortu zuen ISBko jokalari berriak, eta hala Ivy Leagueko bigarren bostekorik onenerako hautatu zuten hura.