Espainiako saskibaloiko gizonen Bigarren Mailako Biele ISBk Huescaren kontra jokatuko du igandean, abenduaren 22an, 18:00etan, Azpeitiko kiroldegian. Saskibaloiaren zaletuak kiroldegira joan daitezen, Iraurgi saskibaloi klubeko bazkidetza txartel batekin edota sarrera batekin hiru lagun sartzeko aukera izango da.
Espainiako LF Challenge ligako Domusa Teknik ISBk, berriz, abenduaren 28an jokatuko du. Partida hori, gainera, Azkoiti-Azpeitiko saskibaloi klubaren 50. urteurreneko azkenengo partida izango da. Kasu horretan ere, Iraurgi saskibaloi klubak bazkidetza txartel batekin edota sarrera batekin hiru lagun sartzeko aukera eskainiko die saskibaloi zaletuei.