2021-22 denboraldirako taldeak indartzen jarraitzen du ISBk. Azken egunetan bi fitxaketen berri eman du saskibaloi taldeak, eta hiru kontratu berritze ere jakinarazi ditu. Hain zuzen ere, Menno Dijkstra pibota fitxatu du gizonen talderako, eta Anisha George pibota emakumeen talderako.
Dijkstra izango da Juaristi ISBren barruko jokoaren erreferentzia. Bere atzetik aspalditik ibili ondoren, urrezko bideak elkartuko gaitu. Anisha Georgek ere Azkoitia-Azpeitia ISBren barruko jokoa indartuko du. FIBA AmeriCup txapelketan eta Centrobasket Women's Championship txapelketan jokalari onenen artean izendatu dute George.
Azken denboraldia ISBn egin duten hiru jokalarik ere kontratuak berritu dituzte ISBrekin. Juaristi ISBn jarraituko du Iñigo Royo hegal pibotak. Maria Otaegi antolatzaileak eta Alazne Lizundia hegalekoak ere Azkoitia-Azpeitia ISBn jokatuko dute 2021-22 denboraldian.
Joan den astean bederatzi jokalariren kontratu berritzea eta Molinaren fitxaketa jakinarazi zituen ISBk.