Azkoitiko PSE-EEren ustez, udaleko gobernu taldea egiten ari den kudeaketa ez da nahikoa, eta EAJri anbizio handiagoa eskatu dio herritarren beharrei erantzungo dieten proiektu eraldatzaileak aurrera ateratzeko.
Etxebizitza eskuratzea da oraindik ere herritarren kezka nagusietako bat. Eusko Jaurlaritza, Denis Itxaso Jaurlaritzako Etxebizitza sailburu sozialistaren bitartez, alokairuaren prezio garestiei aurre egiteko tresnak ematen ari da udalerriei. Udal talde sozialistak aurkeztutako mozio bati esker, gainera, Azkoitiak tentsio handiko eremu izendapena eskatuko du.
Udal talde sozialistarentzat hainbat proiektu ez dira onartu, nahiz eta herritarrek behin eta berriz eskatu eta kexatu. Aspalditik, herritarrak kezkatuta daude udalerriko oinarrizko azpiegitura askok duten utzitako egoeragatik. Horregatik, sozialistek behin eta berriz eskatu dute asfaltatze plan bat egitea. Kale asko oso egoera txarrean daude; zuloak, pitzadurak eta sakonuneak dituzte, eta horiek herriaren irudia hondatzeaz gain, bide-segurtasuna arriskuan jartzen dute.
Egoera horri, espaloien egoera txarra gehitu behar zaio, horietako askok baldosa hautsiak, solteak edo desnibelatuak baitituzte, oinezkoen joan-etorria zailduz, eta arriskua sortuz, bereziki, adinekoei, mugikortasun murriztua dutenei edo haur-kotxea duten familiei.
PSE-EE oposizio eraikitzailea eta proposatzailea ari da egiten. Beste mozio bat ere aurkeztu du, 12 urtetik beherakoentzat herri garraio publikoa doakoa izan dadin eskatzeko, 6 eta 12 urte bitarteko adingabeentzat zein haien familientzat desabantaila eta diskriminazio egoerarik egon ez dadin. Udal gobernuak horren aurrean jardutea espero du udal talde sozialistak.
Gainera, sozialisten proposamenei esker, batetik, atletismo pista bat eraikitzeko azterlan bat egiten ari da udala, eta bestetik, martxan jarriko dira txakurrentzako parkean iturria eta hainbat jolas. Era berean, kanal bat irekiko du udalak Whatsapp edo app bidez herritarren kexak nahiz iradokizunak erregistratzeko.
Udal talde sozialistak Azkoitia berdintasunago eta inklusiboago baten aldeko apustua egiten du, herritar guztiek aukera berdinak izan ditzaten. Lanean jarraituko dugu gure herritarren zerbitzura, haien beharrei erantzuteko.