Maria Luisa Unanue Aizpuru

Azpeitia zuk utzi zenuen,
hogeitalau urterekin;
Gasteiztik zehar Venezuelara,
bizi poz ederrarekin;
Hamalau urtez irakaskuntzan,
hango behartsuenekin;
Amaren zaintzak elkartu zintun,
atzera etxekoekin;
Elkarbizitza hari eskerrak
jantziak gara zurekin.

Ama joatean hartu zenuen,
Zumaiarako bidea;
Hainbat urtean zabal zainduaz,
ikastetxeko atea;
Azpiazu tar Iñakin berri,
emaile fiñ izan zera;
Azken arnasa orain Gasteizen,
zorioneko bakea;
Irakatsia eskertu nahirik
nire izeba maitea.