Oroimenaren Nazioarteko Eguna da gaur, azaroak 10, eta Azkoitiko Udalak deituta, ekitaldia egin dute Intsausti parkean dagoen Oroimenean eskulturaren ondoan, herriko biktima guztiak gogoratzeko asmoz.
Ana Azkoitia alkatea buru zela, EAJren, EH Bilduren zein Azkoitia Bairen udal ordezkariak bildu dira zenbait herritarrekin batera, eta bost minutuko elkarretaratzea egin dute biktimen alde. Amaitzeko, Azkoitiak lore eskaintza egin die haiei.
