Trafiko istripua izan da Azpeitia eta Urretxu artean, GI-631 errepideko 31,4. kilometroan. Ertzaintzak Gukari esan dionaren arabera, 12:30ean izan da ezbeharra; auto bat irauli egin da, eta ibilgailuan zihoazen bi lagun ospitalera eraman dituzte zaurituta.
Istripuaren ondorioz, errepidea itxita egon da bi noranzkoetan, baina hura garbitzeko lanak amaituta, uneotan (14:00) dagoeneko bi bideak zabalik daudela jakinarazi du Ertzaintzak.